यवतमाळ
जिल्‍हाधिकारी कार्यालयात “बळीराजा थेट शेतमाल विक्री बाजार” चे आयोजन
दि.७.०४.२०१६
रोजी पासून जिल्‍हाधिकारी कार्यालयातील परिसरात प्रत्‍येक शुक्रवारी सायं. ४.०० ते
७.०० या वेळेत शेतक-यांचा शेतमाल खरेदी विक्री बाजाराचे आयोजन करण्‍यात येते, या बाजारामध्‍ये
शेतकरी आपल्‍या शेतातील पिकवलेला शेतमाल कार्यालय परीसरात
विक्रीकरीता
आणतात. यामधून शेतक-यांची आर्थीक उन्‍नती व्‍हावी, त्‍यांना जास्‍तीत-जास्‍त
नफा मिळावा हा यामागचा उद्देश आहे.
यामध्‍ये
फळे, भाजीपाला, कडधान्‍य इत्‍यादी प्रकारच्‍या मालाचा
समावेश आहे. बळीराजा थेट शेतमाल विक्री बाजारामध्‍ये शेतक-यांना त्‍यांचा माल थेट
ग्राहकांना विकण्‍याची संधी प्राप्‍त होते. या ठिकाणी त्‍यांना हमाली, दलाली किंवा कोणत्‍याही प्रकारचे शुल्‍क आकारले जात नाही. बाजारामुळे शेतक-यांच्‍या उत्‍पन्‍नात वाढ झाली असून कार्यालय परीसरात
भाजीपाला विकल्‍यामुळे त्‍यांना ठोक विक्रीपेक्षा जास्‍तीचा नफा मिळतो, तसेच
शासकीय कर्मचा-यांना व इतर नागरीकांना ताजा भाजीपाला मिळतो व त्‍यांचा बाजारात
जाण्‍याचा वेळही वाचतो. या बाजारामुळे कर्मचारी, नागरीकांना
व शेतक-यांनाही समाधान मिळत आहे. जिल्‍हाधिकारी
कार्यालयाप्रमाणे जिल्‍हयातील इतरही सर्व शासकीय कार्यालये, महाविद्यालये,
शाळा, कॉलणी यामध्‍ये सुध्‍दा थेट शेतमाल
विक्री बाजाराचे आयोजन केल्‍या जात आहे.
शेतक-यांनी जिल्‍हाधिकारी कार्यालयातील शेतमाल विक्री बाजारामध्‍ये सहभागी होण्‍याकरीता खालील क्रमांकावर संपर्क साधावा-
बळीराजा
चेतना अभियान कक्ष- ०७२३२-२४४१०० (टोल फ्रि क्र.-१८०० २३३ ६३६०)
